15.08.2014 Гүзәллегең сикһеҙ, башҡорт ҡыҙы…
Ҡыҫҡаса белешмә:
Йондоҙнамә буйынса:
ылаҡ.
Яратҡан шөғөлө:
бейеү һәм спорт.
Буласаҡ һөнәре:
бизнес белгесе.
Яратҡан аш-һыу төрө:
ҡыҫтыбый.
Иң ҙур хыялы:
матур ғаилә ҡороу.
Үлсәмдәре:
буйы 174 см, 89-62-93.
Яратҡан яҙыусыһы:
Иван Тургенев, башҡорт әҙәбиәтендә заман ҡатын-ҡыҙҙарының образдарын үҙенсәлекле һүрәтләгәне өсөн Гөлсирә Ғиззәтуллинаны ихтирам итә.
Йондоҙнамә буйынса:
ылаҡ.
Яратҡан шөғөлө:
бейеү һәм спорт.
Буласаҡ һөнәре:
бизнес белгесе.
Яратҡан аш-һыу төрө:
ҡыҫтыбый.
Иң ҙур хыялы:
матур ғаилә ҡороу.
Үлсәмдәре:
буйы 174 см, 89-62-93.
Яратҡан яҙыусыһы:
Иван Тургенев, башҡорт әҙәбиәтендә заман ҡатын-ҡыҙҙарының образдарын үҙенсәлекле һүрәтләгәне өсөн Гөлсирә Ғиззәтуллинаны ихтирам итә.
Башҡорт ҡыҙы Гөлназ Аҙнабаева 27 августа, Баҡы ҡалаһында үтәсәк 89-сы халыҡ-ара "Miss Globe International" матурлыҡ конкурсында Башҡортостан данын яҡлаясаҡ. Гөлназға был конкурсҡа барыу хоҡуғы 26 июлдә Өфө ҡалаһында үткән “Башҡортостандың 100 һылыуҡайы” конкурсында еңгәндән һуң бирелә. "Miss Globe International" конкурсында быйыл йөҙҙән ашыу илдән 120 ҡыҙ ҡатнашасаҡ.
– Әҙерләнеү барышында беҙҙе, конкурсанттарҙы, Әзербайжандың иҫтәлекле урындарына, балалар йортона алып барасаҡтар. Мосолман илендә үткәнлектән, конкурста һыу инеү костюмдарында сығыш булмаясаҡ. Уның ҡарауы, ижади конкурсҡа ҙур иғтибар биреләсәк. мин бейеү әҙерләнем. сәхнәгә милли костюмда һәм киске күлдәктәрҙә сығасаҡбыҙ. Әлеге мәлдә Екатеринбургта белем алам, әммә тыуған яғым – Архангел районына йыш ҡайтып йөрөйөм. Конкурстан еңеү менән ҡайтыуымды атай-әсәйем, бер туған ағайым Илдар һәм дуҫтарым, яҡындарым, бөтә Башҡортостан халҡы көтә. Шуға күрә еңеү өсөн бар көсөмдө, тырышлығымды, күңелемде һаласаҡмын, – тип кисерештәре менән уртаҡлашты Гөлназ.
Башҡорт ҡыҙҙарының бөтә сифаттары ла бар унда. Тегеү, сигеү, бәйләү серҙәрен өйрәнгән. Ҡыйыу, әммә тыйнаҡлыҡ та хас уға. Гөлназ бер нисә спорт төрө менән дә шөғөлләнә. Инглиз телен, парикмахер һөнәрен бар нескәлегендә үҙләштергән.
Гөлназ башҡорт ҡыҙҙарының донъяны яулар гүзәллеккә эйә булыуын иҫбатлар тип өмөтләнәбеҙ. Хәйерле юл һиңә, башҡорт һылыуы.
Г. ҠЫУАТОВА.