19.04.2014 Фирүзә ӘБҮБӘКИРОВА: “Тик яҡшы уй-ниәттәр генә беҙҙе маҡсаттарға илтер!”

Үҙ көсөмдө һынарға теләп, "Йәшлек" гүзәле – 2014" конкурсында ҡатнашып ҡарарға булдым. Исемем – Фирүзә Кинйәбулат ҡыҙы Әбүбәкирова, 1991 йылдың 24 авгусында Ырымбур өлкәhенең Переволоцк районындағы Ҡотләмбәт тигән башҡорт ауылында атай-әсәйемдең тәүге мөхәббәт емеше булып донъяға килгәнмен. Хозур тәбиғәтле, саф hауалы Бөрйән районының Аҫҡар ауылында үҫтем, белем алдым. Артабан Силәбе дәүләт мәҙәниәт һәм сәнғәт академияһында документовед hөнәре буйынса уҡып, уны 2013 йылда тамамланым. Әле үҙ hөнәрем буйынса эшләп йөрөйөм.
Тормош девизым: яҡшы уйҙар, яҡшы ниәттәр генә маҡсаттарыбыҙға ирешергә ярҙам итер! Ниндәй генә ауыр һынауҙар тура килмәһен, иң мөһиме, кеше булып ҡалырға кәрәк.