22.01.2013 «Тормош девизым – һәр көндө файҙалы һәм мәғәнәле үткәреү»

Һалҡын ҡыш айында донъяға килһәм дә, күңелем өҙөлөргә торған еп кеүек нескә генә. Ейәнсура районының Абзан ауылынан Илүзә Танһыҡҡужина булам. БДУ-ның философия һәм социология факультетында уҡыйым. Йыр-моңға ғашиҡмын, бигерәк тә халыҡ йырҙарын яратып башҡарам, көнсығыш бейеүҙәрен үҙ итәм. Шулай уҡ илһам килгәндә күңелемде өйкәп торған әйтер һүҙҙәрҙе шиғри юлдарға һалам. Буш ваҡытымды яратҡан дуҫтарым менән үткәрәм, әҙәби китаптар уҡыйым.

Фәниә ЮЛАНОВА әҙерләне.