15.02.2011 Луиза ХӘЛФЕТДИНОВА: «Киләсәк бөгөндән башлана»
Мин Әбйәлил ҡыҙымын. Әлеге ваҡытта БДУ-ның иҡтисад факультетында белем алам. Шиғырҙар яҙырға, йәшәү мәғәнәһе тураһында фәлсәфә һатырға һәм төрлө күренештәрҙе үҙ күҙлегемдән сығып фотоға төшөрөргә яратам. Хыялым – фотодизайн өлкәһендә үҫеү һәм «башҡорт» исемен донъя кимәленә күтәреү. Үҙ-үҙенә һәм хыялдарына хыянат итмәгән шәхестәрҙе ихтирам итәм һәм өлгө итеп ҡуям.
Тормош девизым: «Кем икәнеңде һәм үткәнеңде белгең килһә – бөгөнгө хәлеңә ҡара; киләсәгеңде белгең килһә – бөгөнгө эштәреңә ҡара».