12.03.2013 “Һылыуҡай – 2013” – Бөрйән ҡыҙы
Өфөбөҙҙә ҡалын-ҡалын көрттәр һалып ҡар яуа, күңелдәрҙе ойотоп буран ҡотора, ә шулай ҙа, һиҙәһегеҙме, яҙ һулышы тойола?! Күңелдәрҙең иләҫ-миләҫ килгән сағы, һәр кем матурлыҡҡа, илаһилыҡҡа тартыла. Юҡҡа ғына тәбиғәттең ошондай күркәм мәлендә “Һылыуҡай – 2013” республика гүзәллек бәйгеһе уҙғарылмайҙыр. Егерме беренсе тапҡыр үткән сарала Өфө, Стәрлетамаҡ, Сибай ҡалаларынан, Әбйәлил, Баймаҡ, Бөрйән, Дүртөйлө, Мәсетле, Миәкә райондарынан һәм Ырымбур өлкәһенән ун ике ҡыҙ ҡатнашты.
ҡыҙҙар төрлө һынауҙарҙа тәбиғи һөйкөмлөгөн генә түгел, күңел матурлығын һәм аҡыл тәрәнлеген дә сағылдырҙы. “Һылыуҡай – 2013” исеменә Бөрйән ҡыҙы Әнүзә Ғиззәтуллина лайыҡ тип табылды. Гран-при яулаусы 19 йәшлек ҡыҙ М. Аҡмулла исемендәге Башҡорт дәүләт педагогия университетының тарих һәм хоҡуҡи белем биреү факультетында уҡый. Әнүзәнең хыялы – юрист булыу, шулай уҡ үҙен телевидениела һынап ҡарарға ниәтләй.
Беренсе урынды Башҡорт дәүләт университетының Нефтекама филиалы студенты Динә Әхмәтйәсәүиева алды. Финалға сыҡҡан ҡыҙҙар ҡиммәтле приздар менән бүләкләнде. Ә еңеүсегә бәйгенең төп атрибуты – таж кейҙерелде, ноутбук, биҙәүестәр һәм сертификаттар тапшырылды.
Г. ЙОСОПОВА.
Оҡшаш яңылыҡтар
23.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 20-се һанында сыҡҡан балалар һәм уларҙың дуҫтары
13.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 19-се һанында сыҡҡан балалар һәм уларҙың дуҫтары
29.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 17-се һанында сыҡҡан балалар һәм уларҙың дуҫтары
25.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 16-се һанында сыҡҡан балалар һәм уларҙың дуҫтары
15.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 15-се һанында сыҡҡан балалар һәм уларҙың дуҫтары
08.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 14-се һанында сыҡҡан балалар һәм уларҙың дуҫтары
