12.07.2013 Баязит Бикбайға арналған фильм төшөрөлдө
“Башҡортостан” киностудияһында билдәле башҡорт шағиры, драматургы, прозаигы, Салауат Юлаев исемендәге дәүләт премияһы лауреаты Баязит Бикбайҙың тормошо һәм ижадына арналған ”Тере шишмә” документаль фильмын экрандарға сығарырға әҙерләнәләр.
Режиссер Вилүрә Иҫәндәүләтованың был кинотаҫмаһының премьераһы көҙ Көйөргәҙе районында үтәсәк. Баязит Бикбай образын танылған актер Олег Ханов кәүҙәләндергән. Фильмға сценарийҙы һәләтле ижадсы Зөһрә Бураҡаева яҙған.