10.05.2013 Яугирҙар иҫтәлегенә һәйкәл буласаҡ
Бөйөк Еңеүҙең 68 йыллығын билдәләгән көндәрҙә Йәрмәкәй районының биш ауылында яҡташ яугирҙарға арналған обелискылар асылды.
Район хакимиәте башланғысы менән былтырҙан бәләкәй ауылдарҙа ла фронтовиктар исеме яҙылған обелискылар ҡуйырға ниәт ителгән. Улар Ҡушҡаран, Пионер, Яңы Турай, Атамкүл кеүек ауылдарҙа ҡоролған да инде. Бығаса һәйкәлдәр ауыл биләмәләре үҙәктәрендә генә булған. Ә бөгөн Әбделкәрим, Райман, Абдул, Яңы Йәрмәкәй, Сөйәрмәттә обелискылар ҡалҡып сыҡты.
Район хакимиәте башлығы Ғафуан Шәйхетдинов әйтеүенсә, ошондай урындар яугирҙарҙың вариҫтары өсөн бик мөһим һәм Еңеүҙең 70 йыллығына райондың һәр ауылы һәйкәлле буласаҡ.