06.11.2012 Ил батырҙарына мәңгелек дан!

Бөйөк Ватан һуғышы ил халҡы өсөн ауыр һынау булды, ул бер ғаиләне лә урап үтмәне, һәр береһендә эҙен ҡалдырҙы.
Халыҡтар берҙәмлеге көнөндә Иглин районының Түбәнге Ләмәҙ ауылында 1941 – 1945 йылғы Бөйөк Ватан һуғышында баш һалған яугирҙар иҫтәлегенә мемориал асыу тантанаһы булды.
Ауылда мемориал асыу уйы күптән бар ине. Түбәнге Ләмәҙ ауыл биләмәһенән 450 кеше фронтҡа киткән, шуларҙың 140-ы ғына тыуған яғына әйләнеп ҡайта алған.
Ауыл хакимиәте шундай теләге хаҡында еткереп, “халыҡ бюджеты” дәүләт проектында ҡатнашыу өсөн заявка ебәрә.
Быйыл, ниһайәт, ауылдашыбыҙ, БР Дәүләт Йы­йы­лышы – ҡоролтай депутаты Ра­фаил Зиннуров ярҙамы менән хыялыбыҙ тормошҡа ашты. Р. Зиннуров мемориал күтәреүҙең һәр этабын контролдә тотто, хатта бюсын үҙе ҡойҙо. Әйткәндәй, унда ата­һының – Бөйөк Ватан һуғышы ветеранының йөҙө сағыла. Мемориалда Тыуған ил өсөн ғүмерен аямай көрәшкән батырҙарыбыҙҙың һыны берләштерелгән.
РФ Дәүләт Дума­һы депутаты Зөһрә Рәхмәтуллина, БР Дәүләт Йыйылышы – ҡоролтай Рәйесе урынбаҫары Рафаил Зиннуров, Башҡор­тос­тандың һәм Та­тарстандың халыҡ артисы Айҙар Ғәли­мов, Иглин районы хакимиәте башлығы Рафиҡ Мусин һәм башҡа ҡунаҡтар ауылыбыҙ тормошондағы мөһим ваҡиғаның шаһиты булды.

Алина ҒАЙСИНА.
Иглин районы.
АВТОР фотолары.