24.05.2013 Силәбеләр һабантуй миҙгелен аса
Күрше өлкәнең баш ҡалаһы балалар өсөн башҡорт байрамына – “Һабантуй мозаикаһы”на әҙерләнә.
Ғөмүмән алғанда, һабантуйҙар һуңғы ваҡытта халыҡ-ара дуҫлыҡты, милләттәр байрамын сағылдырған ижад һәм спорт байрамына ла әйләнде. Ошо һабантуй аша ла балаларҙа милли мәҙәниәткә һөйөү уятыу, берләштереү маҡсатын ҡуя ойоштороусылар. Әйткәндәй, сараны өлкәнең Башҡорт халыҡ үҙәге ойоштора.
Башҡортостандың Силәбеләге даими вәкиллеге матбуғат секретары Михаил Хәбиров белдереүенсә, балалар һабантуйында Көньяҡ Уралдың ижади коллективтары сығыш яһай, йолаға әүерелгән башҡорт милли көрәше үтә һәм, әлбиттә, шартына тура килтереп, йәғни милли ризыҡ, милли биҙәктәр һәм көнкүреште күрһәткән тирмәләр урынлаштырыласаҡ. Ҡунаҡтар шулай уҡ бай күргәҙмә менән дә таныша ала.
А. ЗИННУРОВА әҙерләне.
Оҡшаш яңылыҡтар
