12.03.2013 ТӨРКСОЙ ойошмаһы премия тапшыра
Бөгөн Төркиәнең Анкара ҡалаһының Дәүләт художество музейында Моҡан Түләбаев исемендәге йылды рәсми асыу тантанаһы бара. Унда ҡаҙағстан Республикаһынан делегация, ТӨРКСОЙ илдәренең мәҙәниәт министрлыҡтары вәкилдәре һәм журналистар ҡатнаша.
Уҙған йылдың сентябрендә ТӨРКСОЙ ойошмаһы билдәле композитор Моҡан Түләбаевтың тыуыуына 100 йыл тулыу айҡанлы 2013 йылға уның исемен бирергә ҡарар иткәйне. Был шәхес ҡаҙаҡ милли музыкаһы үҫешенә тос өлөш һалған. Ул – ҡаҙағстандың Дәүләт гимнының элекке вариантының авторы, Е. Брусиловский менән бергә “Амангилде” операһын яҙған. Композиторҙың эшмәкәрлеге бихисап дәүләт наградаһы менән билдәләнгән.
Артабан журналистика өлкәһендә ТӨРКСОЙ премияһы тапшыраласаҡ. Ун ике лауреат араһында “Төркауаз” тапшырыуҙары авторы (“Юлдаш” радиоһы) Сәмиға Ғафарова ла бар. Яҡташыбыҙҙы ҡотлайбыҙ!
Азат СӘЛИХОВ.
Оҡшаш яңылыҡтар
