05.04.2011 Йондоҙнамә 4-10 апрель

Ылаҡ (22.12 – 20.01)
Аҙна башы ҡәҙимгесә көтөлә. Был арала йондоҙҙар бер ниндәй ҙә дәғүәләргә инмәҫкә ҡуша. Шаршамбыла кешеләрҙе артыҡ өмөтләндермәгеҙ, үҙегеҙ ҙә кеше һүҙенә артыҡ ышанмағыҙ.
Һыуғояр (21.01 – 19.02)
Емешле һәм тыныс эшмәкәрлек өсөн уңайлы мәл. Төп эштәре ер йәки һыу менән бәйле һыуғоярҙар мотлаҡ уңыр. Кесе йомала мөмкинлектәрегеҙҙе дөрөҫ баһаламауығыҙ ихтимал. Иң өмөтлө көндәрегеҙ – йома һәм шәмбе.
Балыҡ (20.02 – 20.03)
Бәйләнештәр булдырыу өсөн өмөтлө ваҡыт. Осрашыуҙар күңелле һәм асыҡ үтер. Шаршамбыла алданыуығыҙ ихтимал. Шуға уяулыҡ хаҡында онотмағыҙ. Аҡсаға бәйле ҡыйынлыҡтар булыуы мөмкин.
ҡуҙы (21.03 – 20.04)
Аҙна әүҙем һәм күңелле үтер. Башығыҙҙа яңы уй-фекерҙәр тыуып торор. Шишәмбелә иҫтәлекле ваҡиғалар көтөлә. Кесе йомала кеше алдында эшкингәнлегегеҙҙе тулыһынса күрһәтә алырһығыҙ.
Буға (21.04 – 21.05)
Аҡса етмәүе бер аҙ борсоп торор, моғайын. Был арала оло йәштәге туғандарығыҙ менән аралашыу ауырлашыр. Шуға ҡарамаҫтан, үҙегеҙҙе тыныс һәм ышаныслы тойорһоғоҙ.
Игеҙәктәр (22.05 – 21.06)
Осор күңелле генә башланып китер һымаҡ. Үткән ваҡиғаларҙы яҡшы кәйеф менән иҫкә алырһығыҙ. Ләкин шишәмбенән һуң ҡапыл төрлө мәшәҡәттәр күбәйер. Уларҙы хәл итеүе еңел булмаҫ.
ҡыҫала (22.06 – 23.07)
Шишәмбеләге хәлдәр тормошоғоҙға ниндәйҙер үҙгәрештәр индерергә мәжбүр итер. Был арала элекке бурыстарығыҙҙы ҡайтарырға онотмағыҙ. Йәмәғәт сараларынан баш тартмағыҙ, уларҙан файҙа күреүегеҙ ихтимал.
Арыҫлан (24.07 – 23.08)
Икеле осор. ҡайһы бер эштәрегеҙҙең туҡталыуы ихтимал. Шишәмбе – шаршамбыла мөһим һөйләшеүҙәр, файҙалы осрашыуҙар булыр. Кесе йомала бәләкәй генә ваҡиға кәйефегеҙҙе боҙор. Бәхетле һандарығыҙ – 7, 17, 27.
ҡыҙ (24.08 – 23.09)
Шәхси мөнәсәбәттәрегеҙҙе барлап сығырға етди сәбәптәр табылыр һымаҡ. Бәғзеләр менән арағыҙҙы икеләнмәйенсә өҙөгөҙ, бынан файҙа һәм еңеллек тойорһоғоҙ. Яҡын киләсәктә йондоҙҙар һеҙгә яңы, юғарыраҡ вазифа вәғәҙә итә.
Үлсәү (24.09 – 23.10)
Аҙна ауырыраҡ башланыр. Кире ваҡиғалар йыйылып киткәндәй тойолор. Шуға ҡарамаҫтан, донъяға яҡты ҡарашығыҙҙы үҙгәртмәгеҙ. Сөнки бик тиҙҙән хәлегеҙ үҙгәрер. Кесе йоманан һуң ниндәйҙер ауыр бурыс иңегеҙҙән төшөр.
Саян (24.10 – 22.11)
Шишәмбе бар аҙнаға ыңғай йоғонто яһар. Өмөтлө уй-фекерҙәр ҙә тыуып торор. Шәмбелә яратҡан кешегеҙ менән арағыҙҙы тағы ла нығытыр­һығыҙ, буғай. Бер аҙ сығымдарығыҙ артыр.
Уҡсы (23.11 – 21.12)
Мәшәҡәтле осор. Был бар өлкәләрҙә лә күҙәтеләсәк. Йондоҙҙар ашығыс аҙымдар­ға этәрер. Шулай ҙа бәғзеләр яңы һөнәр үҙләштерәсәк. Шаршамбыла ҡиммәтле әйберҙәр кейергә кәңәш ителмәй.