26.06.2015 Мәҙрәсәгә уҡырға саҡырабыҙ!
Рәсәй мосолмандары Үҙәк диниә назаратының урта һөнәри дини белем биреүсе Октябрьский ҡалаһындағы «Нурул ислам» мәҙрәсәһе 2015 – 2016 уҡыу йылына уҡыусылар ҡабул итә.
Урта һөнәри белем биреүсе дини белем биреү учреждениеһында имам-хатип, мәзин, ислам нигеҙҙәре уҡытыусылары әҙерләнә. Мәҙрәсәлә белем алыу көндөҙгө, киске һәм ситтән тороп уҡыу рәүешендә ойошторола. Уҡыу ваҡыты – 2 йыл. Ғәрәп телен, грамматикаһын өйрәнеүгә ҙур иғтибар бирелә. Икенсе семестрҙан уҡыу ғәрәп телендә алып барыла. 9-сы синыфты тамамлаусылар параллель рәүештә дөйөм белем биреү мәктәбендә лә уҡый. Ҡыҙҙар өсөн тәрбиәсе, уҡытыусы һәм ғәрәп теле тәржемәсеһе бүлектәре асылған. Уҡыу өсөн бөтә шарттар – иркен синыфтар, китапхана, ашхана, кер йыуыу урыны, душ бүлмәләре бар. Документтар 12 июндән 30 авгусҡа тиклем ҡабул ителә. Уҡырға инеү әңгәмәләшеү нигеҙендә.
Ғаризаға белем тураһында документ, автобиография, паспорт күсермәһе, N 086-у формаһында медицина справкаһы, 3Х4 ҙурлығында алты фото, мәктәптән йәки эш урынынан характеристика, хәрби билет йәки приписное свидетельство талап ителә. Шәкерттәргә ятаҡ бирелә. Йәшәү бушлай. Студенттар өс мәртәбә йылы аш менән тәьмин ителә.
Белешмәләр өсөн телефон:
тел/факс (34767) 66964, 8 937 485 2630
эл.почта: medrese_nurul-islam@mail.ru,
web сайт: oktmedrese.ru