НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

«Мөхәббәттән йырҙар ҡала»
Медиа // Вчера, 06:00


«Мөхәббәттән йырҙар ҡала»
Тәүлек әйләнәһенә эшләгән “Юлдаш” радиоһында йырҙар һәм көйҙәр эфир ваҡытының 60 – 70 процентын алып тора. Ана шул йыр­ҙарҙың тарихын беләбеҙме? “Мөхәббәттән йырҙар ҡала” сығарылышы ошо һорауға яуап эҙләй....

«Юлдаш» тәҡдим итә: «Юлдаш»лы кис»
Медиа // 13-10-2018, 07:30


«Юлдаш» тәҡдим итә: «Юлдаш»лы кис»
“Юлдаш” радиоһының билдәле девизы – “Беҙ бергә!” Радиобыҙ кескәй генә балаларҙан башлап, үҫмер, йәш кеше, өлкәндәр өсөн дә ҡыуаныс, йыуаныс биргән, көндәлеген биҙәгән дуҫ булыу­ҙы маҡсат итә....

Радио аша – юрист кәңәштәре
Медиа // 4-10-2018, 07:00


Радио аша – юрист  кәңәштәре
Радиобыҙ үҙ тыңлаусыһының төрлө зауығын ҡәнәғәтләндерергә тырыша. «Юлдаш»ҡа мөрәжәғәт иткән һәр кем үҙенә кәрәкле мәғлүмәт ала. Берәүҙәргә яңы йыр һүҙҙәре кәрәк, икенселәренең яҡындары-туғандарының сабыйҙары тыуыу шатлығы менән уртаҡлашҡыһы, тыуған көндәре менән ҡотлағыһы килә....

"Аҡлы-ҡаралы юлдар"
Медиа // 26-09-2018, 06:00


"Аҡлы-ҡаралы юлдар"
Бер быуат элек, Башҡортостан Республикаһын төҙөү өсөн көрәш йәйелдергән башҡорт милли хәрәкәте тулҡынында төрлө атамала ваҡытлы матбуғат баҫмалары донъя күрә башлай. «Башҡорт», «Башҡорт тауышы», «Башҡорт хөкүмәтенең теле» гәзиттәре, билдәле, ғәрәп графикаһында баҫылған. Туған телдәге матбуғаттың автономия яулау идеяһы байрағы аҫтында халыҡты берләштереүҙәге әһәмиәтен милли хәрәкәт башында торған ҡаһарман йөрәкле заттарыбыҙ бик яҡшы аңлаған. Гәзит аша яңылыҡтар еткерелгән, башҡорт ғәскәре хәлдәре, Башҡорт хөкүмәте сәйәсәте аңғартылған һәм уларға ҡарата бүтән көстәр мөнәсәбәте сағылыш тапҡан. Урыҡ-һурыҡ һаҡланған ул баҫмалар – республикабыҙҙың тарихын яңыса асҡан, дөрөҫлөктө хыянатһыҙ яҡтырт­ҡан ҡиммәтле сығанаҡтар. «Аҡлы-ҡаралы юлдар» теҙмәһендә шул гәзиттәрҙә донъя күргән материалдарҙы яңғыратабыҙ икән, улар бөгөн – тәүге автономияның ҡояш нурынан түгел, ҡанға мансылған ал таңы ваҡиғаларының шаңдауы. Тәүге сығарылыштар 1917, 1918 йылдарҙағы башҡорт гәзиттәре буйынса әҙерләнде....

Егеттәрсә бәхәс, «эйе» лә «юҡ» тимәҫкә, «Сертауыш» һәм башҡаһы
Медиа // 19-09-2018, 07:00


Егеттәрсә  бәхәс, «эйе» лә «юҡ» тимәҫкә, «Сертауыш» һәм башҡаһы
Һәр миҙгелдең үҙ йыры булған кеүек, йырлы радио ла миҙгелдәр менән йәшәй. «Юлдаш»тың эфиры тулҡын булып бер өҙлөкһөҙ ағыла, шуға күрә ундағы үҙгәрештәр ҙә күҙгә, ә дөрөҫөрәге, ҡолаҡҡа артыҡ салынып бармай. Шулай ҙа, сентябрь башынан «Юлдаш» яңыса эшләй, шул иҫәптән иртәнге уятҡыс тапшырыуҙа. Алып барыусылар сафтары үҙгәрешһеҙ ҡалды, халыҡты шул уҡ Филүс, Йәмил һәм Ғәзиз уята. Яңылыҡтар иһә башлыса уйындарға һәм тапшырыу барышындағы сәхифәләргә ҡағыла. Мәҫәлән, шишәмбе көнө егеттәр «Әйтмә һүҙ» уйынында тыңлаусыларҙы иғтибар көсөн һынап ҡарарға саҡыра. Уның шарттары ябай кеүек: ни бары алып барыусылар менән бер минут аралашып, «эйе», «юҡ», «аҡ» һәм «ҡара» тигән һүҙҙәрҙе әйтмәҫкә, ымлыҡтарҙы ысҡындырмаҫҡа. Ысынында иһә, тәжрибә күрһәтеүенсә, был бер минутлыҡ әңгәмәнең аҙағына күптәр етә алмай....

"Юлдаш"та - яңы миҙгел!
Медиа // 6-09-2018, 07:00


"Юлдаш"та - яңы миҙгел!
«Ҡасан эфир тулҡындарында «Иртәнсәккәй тороп» егеттәренең тауышын ишетербеҙ? Филүс, Йәмил, Ғәзизһеҙ иртәләребеҙ күңелһеҙ…» Ошондай хәбәрҙәр беҙҙең «Бәйләнештә» селтәренә ай буйы ағылды. «Иртәнсәккәй тороп» – «Юлдаш» радиоһының иң тыңлаулы проекттарының береһе. Алып барыусыларҙың шаянлығы, һәр ситуациянан сыға белеүе, эрудицияһы, аудиторияны яҡшы тойоуы халыҡты йәлеп итә лә инде. Шуға ла ошондай хәбәрҙәрҙең йыш килеүенә бер ҙә аптырайһы түгел....

“Самауыр янында” йыйылығыҙ
Медиа // 31-07-2018, 07:00


“Самауыр янында” йыйылығыҙ
Йәй – шифалы үләндәр әҙерләү өсөн иң ҡулай ваҡыт. Башҡортостанда үҫкән ҡырағай үҫемлектәрҙең ике йөҙҙән ашыуы халыҡ медицинаһында ҡулланылыуы билдәле.
Һуңғы осорҙа шифалы үҫемлектәр менән ҡыҙыҡһыныусылар һаны артыуын күҙәтәбеҙ. Күптәр һатыу сәйенә ҡарағанда үлән сәйҙәрен өҫтөн күрә. Йәйен самауырҙарға ла “эш” күбәйә. Сәхрәлә туғандар, дуҫтар менән йыйылып сәй эсеүҙәр ойошторола. Йырлы самауыр ихаталағы йәки баҡсалағы өҫтәлдәргә менеп ҡунаҡлай. Бер һүҙ менән әйткәндә, йәмле йәйҙе самауырһыҙ, хуш еҫле үлән сәйенән башҡа күҙ алдына ла килтереп булмай. Йәйҙең ошо һәм башҡа йәмдәрен татып ҡалыу теләге беҙҙең тыңлаусыларҙы радионан бер аҙ ситләштерә, әлбиттә. Әммә был “Юлдаш”ты тыңламайҙар тигәнде аңлатмай. Бары тик тура эфирға шылтыратыусылар, әңгәмәлә ҡатнашыусылар һаны ғына бер аҙ кәмей. Төш ваҡытында эфирға сыҡҡан “Самауыр янында” тапшырыуында күтәрелгән темаларға ҡарата үҙ фекерен тыңлаусыларыбыҙ яҙма рәүештә WhatsApp (әйткәндәй, уның һандары: 8-937-167-54-66) аша еткереүҙе ҡулай күрә. Шуныһы иғтибарға лайыҡ, студия менән элемтәгә баҡсанан, юлдан, көтөүлектән, умарталыҡтан, бесәнлектән, еләклектән дә сығалар. Тоғро дуҫтарыбыҙҙың ялда ла яратҡан радиоһынан айырылмауы ҡыуандыра. Аҙнаһына биш тапҡыр, дүшәмбенән йомаға тиклем, беҙ улар өсөн “Самауыр” ҡайнатабыҙ. Төшкө табында йәйге ял, миҙгел мәшәҡәттәре менән бәйле темалар күтәрелә, ҡунаҡтар саҡырыла. Бер үҡ ваҡытта яңы ижади миҙгелгә лә әҙерлек бара.
Сентябрҙә дуҫтарыбыҙҙы “Самауыр янында” тағы ла бер алып барыусы сәләмләйәсәк. Тапшырыу буйынса теләк-тәҡдимдәр ҡабул итәбеҙ. Электрон почта: guzelzaripova79@mail.ru. Рәхим итегеҙ.

Гүзәл ЗАРИПОВА....

“Ике йондоҙ” осрашыуы
Медиа // 24-07-2018, 06:30


“Ике йондоҙ” осрашыуы
“Ике йондоҙ” тапшырыуының хикмәте шунда – уны беҙ күнеккәнсә радио хеҙмәткәрҙәре түгел, ә студияға ҡунаҡ дәрәжәһендә килергә өйрәнгән билдәле шәхестәр үҙҙәре ойоштора. Уларға үҙенсәлекле бурыс йөкмәтелгән: халыҡты бөгөн ниндәй мәсьәләләр борсой, йәшәйешебеҙҙе ниндәй йүнәлештә дөрөҫ итеп алып барырға, тормошта килеп сыҡҡан теге, йәки был сетерекле хәлдәрҙән нисек лайыҡлы, үрнәкле сығыу юлдарын табырға тигән һорауҙарға яуап эҙләү. Фәһемле әңгәмәләребеҙ байтаҡ тупланды ла инде....

Яҙмышында ил тарихы булғандар тураһында “Юлдаш”ҡа яҙығыҙ
Медиа // 18-07-2018, 06:30


 Яҙмышында ил  тарихы  булғандар  тураһында   “Юлдаш”ҡа  яҙығыҙ
Һәр кемебеҙҙең күңелендә онотолғоһоҙ хәл-ваҡиғалар йәшәп, йылдар үткән һайын тоноҡлана бара, йә сағыу төҫтәре ҡала. Ил кимәлендә булғандарының да ғорурланырлыҡ та, йәйғорҙай балҡығандары ла күп.
Мәҫәлән, 2019 йылда Башҡор­тостан халҡы Башҡорт Совет Автономияһының 100 йыллығын билдәләргә йыйына. Билдәле булыуынса, 1919 йылдың 20 мартында Рәсәй Эшсе-Крәҫтиән Хөкүмәте менән Башҡорт Хөкүмәте автономияны төҙөү тураһында килешеүгә ҡул ҡуя. Ошо килешеүҙе төҙөүгә һәм илебеҙ үҫешенә күп көс һалған арҙаҡлы шәхестәребеҙҙең исемен мәңгеләштереү йәһәтенән республикала ла, унан ситтә лә киң эш йәйелдерелде. Башҡор­тостанда иғлан ителгән “100 шәхес” проекты – быға асыҡ дәлил. Шуныһы үҙенсәлекле: ана шул йөҙ кешене һәр районға үҙ ерендә булдырып, уны китап итеп баҫтырып сығарыу яҡшы. Уларҙың һәр ҡайһыһының яҙмышын бөтә республика, сит төбәктәр әүҙем тыңлаған “Юлдаш” радиоһында телгә алыу ҙа зарур....

“Йәшәү йәме”
Медиа // 11-07-2018, 06:00


“Йәшәү йәме”
Башҡортостан халҡының дүрттән бер өлөшөн йәштәр тәшкил итә. Улар араһында алдынғы ҡарашлы, тырыш, бар яҡлап та килгән ҡыҙҙар һәм егеттәрҙең күп булыуы ҡыуандыра. Әйтергә кәрәк, һуңғы йылдарҙа айырыуса һәләтле, матур йәш быуын үҫеп килә. "Юлдаш" радиоһы эфирына сыҡҡан "Йәшәү йәме" тапшырыуы тап ана шундай булдыҡлы йәш замандаштарыбыҙға ла иғтибар бүлә.
Йәйге сығарылыштарҙа тыңлаусыларыбыҙҙы төрлө өлкәлә уңыштарға өлгәшкән, халҡыбыҙ йолаларын тергеҙеп, үҙ эшен асҡан, борон­ғолоғобоҙҙо юллаған һәм алдынғы технологиялар өлкәһендә лә һынатмай эшләгәндәр тураһында һөйләмәксебеҙ. Өфөнән Сәлимә Усма­нова, мәҫәлән, милли кейем өлкәһендә эҙләнеүҙәр менән шөғөлләнә. "Ҡасандыр өләсәйҙәребеҙ кейгән күлдәктәрҙә бер генә лә артыҡ деталдең юҡлығына инандым", – ти ҡыҙ. Сәлимә киләсәктә эҙләнеү эштәрен етди ғилми хеҙмәткә туплап, башҡорт этнографияһын өйрәнеүселәр өсөн ярҙам булырлыҡ баҫма әҙерләргә хыяллана. Ул боронғо кейемдәр өлгөһөндә заманса матур коллекциялар ҙа ижад итә. Эштәре төрлө конкурста юғары баһа ала. Учалынан Альбина Ғәлиева иһә боронғо биҙәүестәр менән ҡыҙыҡһына. Ҡорама ҡороу, сигеү, туҡыу һәм башҡа ҡул эштәренә лә маһир.
Күгәрсен егете Илфат Байна­заров нефть эшкәртеү сәнәғәтендә физик-технологик процестарҙы математик моделләү менән шөғөлләнә. Башҡорт дәүләт университетының физика факультетында һәм Өфө дәүләт нефть-техник университетында алған физика һәм химия буйынса белемдәрен ул бөгөнгө эшмәкәрлегендә ҡуллана. 3Д технологияларын үҫтереү, сәнәғәт дрондарын етештереү буйынса ла эш алып бара. "Өйрәнәм, ҡыҙыҡһынам, алға ҡарап, оло маҡсаттар ҡуям", – ти Илфат.
Хәйер, "Йәшәү йәме" тапшырыуының йәш геройҙарының һәр береһе – маҡсатлы, тырыш. Улар менән танышыу тыңлаусыларыбыҙға ла ҡыҙыҡ буласағына ышанабыҙ. Тапшырыуҙы эфирҙа һәр шәмбе 11.15 һәм 20.15 сәғәттә тыңлағыҙ.
Гүзәл ЗАРИПОВА.
...


Борьба с коррупцией

[/aviable]

  • Аҡ күлдәк (Хикәйә)
  • Үәт, ҡыҙыҡ! (21.09.2018)
  • Министром молодежной политики и спорта Республики Башкортостан назначен Руслан Хабибов
  • Радий Хәбиров бөгөн Башҡортостандың беренсе Президенты Мортаза Рәхимов менән осрашты
  • Үәт, ҡыҙыҡ! (28.09.2018)
  • Үткәндәрҙе ебәрергә өйрәнегеҙ
  • Совет Башҡортостанына бағышланған значок: "Башкирия"
  • Ралина БУРАНҒОЛОВА
  • РЕСПУБЛИКА КӨНӨ МЕНӘН, ВАТАНДАШТАР!!!
  • Әрем – бик көслө дауа



  • Радио Юлдаш FM