Гүзәл Бикмәтова

Мин – Гүзәл Бикмәтова (Йосопова) Баймаҡ районының Ниғәмәт ауылында тыуып-үҫкәнмен. 2003—2008 йылдарҙа Башҡорт дәүләт университетының башҡорт филология һәм журналистика факультетының журналистика бүлегендә белем алдым. Студент йылдарында “Һаҡмар”, “Йәшлек”, “Башҡортостан” гәзиттәренә яҙыштым, “Юлдаш” радиоһында, “Баймаҡ—ТВ” телевидениеһында үҙемде һынаным.
2008 йылдың июненән “Һаҡмар” гәзитенең (Баймаҡ районы) социаль тормош бүлегендә эш башланым. 2009 йылда “Йәшлек” гәзитенең лауреаты булдым.
Ығы-зығылы баш ҡалабыҙ һәр саҡ үҙенә тартты, шуға күрә 2011 йылда Өфө ҡалаһына күсеп килдем һәм “Һәнәк” журналына эшкә урынлаштым. Ошо уҡ йылдың авгусынан бөгөнгәсә “Йәшлек” гәзитенең социаль мәсьәләләр бүлегендә эшләйем.
Рәсәй Федерацияһының һәм Башҡортостан Республикаһының Журналистар союзы ағзаһы.